चोरीको मोटरसाईकल नक्कली बिलबुक सहित बिक्री
भारतबाट चोरी गरेर ल्याएको महगो मुल्यका मोटरसाईकल नक्कली बिलवुक सहित नेपाल बजारमा विक्री हुने गरेको पाईएको छ ।
आईतबार महानगरीय प्रहरी परिसर काठमाडौंले भारतबाट चोरी निकासी गरी नेपाल ल्याएर नक्कली बिलवुक बनाई ‘सक्कली मोटरसाईकल हो’ भन्दै ग्राहकलाई झुक्याएर बेच्ने समुहलाई पक्राउ गरेर सार्वजनिक गरेको छ ।
भारतीय बजारबाट नयाँ मोटरसाईकल चोरेर नेपालमा विक्री गर्ने कार्यमा संलग्न दाङ स्थायी घर भएका सनम चौधरी, मकवानपुरका धन बहादुर योञ्जन र दोलखाका गोपाल नेपालीलाई नियन्त्रणमा लिइएको महानगरीय प्रहरी परिसर काठमाडौंका प्रमुख (एसएसपी) विश्वराज पोखरेलले बताएका छन् ।
