
नुवाकोटको पासाङ ल्ह्यामु राजमार्गमा प्रेस कुकर बम, सवारी आवागमन बन्द
शंकास्पद वस्तु भेटिएपछि घटनास्थल प्रहरीले नियन्त्रणमा लिएको छ । राजमार्गको बिच सडकमा शंकास्पद वस्तु भेटिएपछि त्रिशुलीबाट काठमाडौँ आउने र काठमाडौँबाट त्रिशुली जाने सवारी बीचैमा रोकिएका छन ।
नेपाली सेनाको बम डिस्पोजल टोली बिदुरबाट बेलकोटका लागि आउँदै गरेको स्थानीय नारायणप्रसाद तिवारीले जानकारी दिए । उनका अनुसार घटनास्थलमा प्लस्टिकले बेरिएको प्रेस कुकरमा बिजुलीको तार बाहिर निकालिएको छ ।