| शनिबार, अशोज १०, २०७७

सर पेट्रोल पम्प चलाउन पम्पको अगाडी को ठाउँ पिँच गर्नु पर्छ रे हो. ? हाम्रो गोरखामा त छैन ।

काठमाण्डुबाट भारत जाने बस सुन तस्करीको उदेश्यले सञ्चालन

काठमाण्डुबाट हरियाणा जाँदै गरेको भारतीय नम्बरको गाडीबाट प्रहरीले आधा किलो सुन बरामद गरेको छ ।

महेन्द्रनगरस्थित गड्डाचौकी नाका भएर भारतको हरियाणा राज्यतर्फ जाँदै गरेको एच आर १२ ए एफ ००६ नम्बरको गाडी जाँच गर्ने क्रममा सुन फेला परेको सुदूरपश्चिम प्रहरी प्रमुख प्रहरी नायक महानिरीक्षक (डिआईजी) शरद चन्दले जानकारी दिए ।

सो गाडिमा सवार हरियाणाका जितेन्द्र शैनीले उक्त सुन आफ्नो भएको बताएका छन् । उनले काठमाण्डुबाट खरिद गरेर सुन लिएर भारत जाँदै गरेको बताएको प्रहरीले जानकारी दिएको छ ।  गत वैशाख ३१ गते गड्डाचौकी नाका भएर सो गाडी नेपाल भित्रिएको भन्सार कार्यालयको रेकर्डमा छ ।

तेस्रो मुलुकबाट अवैध सुन काठमाण्डु भित्राउने र काठमाण्डुबाट भारतमा निकासी हुने गरेको प्रहरीले यसअघि गरेका अनुसन्धानबाट पत्ता लागेको छ । तर, हरियाणा जाँदै गरेको बसबाट बरामद आधा किलोको उक्त सुन अवैध हो कि होइन भन्ने खुलेको छैन । यसबारे थप अनुसन्धान भइरहेको कञ्चनपुर प्रहरीले जनाएको छ ।

प्रतिक्रिया दिनुहोस्