| आइतवार, बैशाख २६, २०७८

गोरखामा विवेकशील साझा पार्टीको समायोजन

विवेकशील साझा पार्टी गण्डकी प्रदेशले गोरखा जिल्ला कार्यसमितिको समायोजन गरेको छ । साविक विवेकशील नेपाली दल र साझा पार्टीको जिल्ला समितिको संयुक्त बैठकले गरेको सिफारिस आधारमा शनिबार किशोर रेग्मी संयोजक रहेको कार्यसमिति घोषणा गरिएको हो । रेग्मी यस अघि गण्डकी प्रदेश समिति सदस्य हुन् ।

समायोजन पश्चात विवेकशील साझा पार्टिको गोरखा जिल्ला समिति १६ सदस्यिय बनेको छ । सदस्यमा सुन्दर गुरुङ, दीपेन्द्र लामिछाने, धनबहादुर अधिकारी, शोभा बिक, बुद्धक थापा, हरि पोखरेल, भुवन बन्जरा, सुजन बस्नेत, राजकुमार अम्गाई, आशीम पोखरेल, सजिना बन्जरा, अन्जन श्रेष्ठ, समीर गुरुङ, रिजन रानामगर र रामकुमार श्रेष्ठ छन् । घोषणा सभालाई सम्बोधन गर्दै विवेकशील साझा पार्टीका गण्डकी केन्द्रीय सदस्य तथा संगठन विभाग उपप्रमुख प्रदिपकुमार थापाले २ वैकल्पिक पार्टी एक भएपछि गण्डकी प्रदेशभित्र संगठन बिस्तार द्रुतगतिमा अगाडी बढेको बताए ।

नवघोषित गोरखा जिल्ला संयोजक रेग्मीले विवेकशील साझा पार्टीलाई गोरखाका हरेक स्थानीय तहमा संगठन बिस्तार गर्ने प्रतिबद्धता व्यक्त गरे ।
कार्यक्रममा विवेकशील साझा पार्टीका गण्डकी प्रदेश सहसंयोजक तथा केन्द्रीय सदस्य जमुना शर्मा, केन्द्रीय सदस्य अमृत पुडासैनी, सुशील केसी अधिकारी, रजनी केसी, पवित्रा थापा, नवराज थापा, शिशिर बन्जरा, गण्डकी प्रदेश सदस्य तथा अभियान विभाग प्रमुख अशोक खड्का, कास्की जिल्ला संयोजक फणीन्द्र अधिकारी, तनहुँ जिल्ला संयोजक सागर घिमिरे लगायतले शुभकामना मन्तव्य राखेका थिए ।
आइतबार स्याङ्जा जिल्ला कार्यसमिति घोषणा तयारी गरिएको संयोजक महेश भण्डारीले जानकारी दिए ।

प्रतिक्रिया दिनुहोस्