| आइतवार, माघ १५, २०७९

गोरखामा बन्द क्रसरबाट निर्माण सामग्री ढुवानी गर्ने १३ वटा टिपर प्रहरी नियन्त्रणमा

क्रसर बन्द भएका बेला ढुङ्गा गिटी बालुवा लगायतका निर्माण सामग्री ढुवानी गर्दै आएका टिपरहरु प्रहरीले नियन्त्रणमा लिएको छ । इलाका प्रहरी कार्यालय ठाँटीपोखरीले १० वटा, जिल्ला प्रहरी कार्यालयबाट खटिएका टोलीले एक र नयाँसाँघु प्रहरी चौकीबाट खटिएका टोलीले दुईवटा ट्रिपर नियन्त्रणमा लिएको जिल्ला प्रहरी कार्यालय गोरखाका एसपी केदार खनालले बताए ।

ईलाका प्रहरी कार्यालय पालुङ्टारले बा प्रदेश ०१–००३ क ५८३६, ग १ ख १७१, बा.प्रदेश–०१००३ क ५८३५, ग १ ख ८६९०, बा.प्रदेश–००३ क ५८३३, बा ५ ख ४७०१, ना ८ ख ५३९१, ग १ क ५४१७, ग १ ख ७६६६, बा.प्रदेश ०१–००४ क ०४१९ नम्बरको टिपर नियन्त्रणमा लिइएको हो ।

नियन्त्रणमा लिएको टिपर कारवाहीका लागि सम्बन्धित पालिकामा कारवाहीका लागि पठाइएको एसपी खनालले बताए । गृहमन्त्रालयको निर्देशनमा जिल्ला अनुगमन समितिले पुस २४ गतेदेखि गोरखामा संचालित क्रसर उद्योग बन्द गर्ने निर्णय गरेको थियो । त्यसयता कुनैपनि उद्योग संचालनमा नभएको तर बन्द उद्योगबाट ढुङ्गा गिटी खरिद बिक्री भएको भेटेपछि प्रहरीले टिपर नियन्त्रणमा लिएको जनाएको छ ।

प्रहरीले कारबाहीका लागि पठाएको टिपरबाट स्थानीय तहहरुले २० देखि ४० हजारसम्म जरिवाना लिने गरेका छन् ।

प्रतिक्रिया दिनुहोस्