घाइते भएका ७६ वर्षीय वृद्धको २० घण्टापछि उद्धार
वृद्धभत्ता लिन जाँदा लडेर घाईते भएका वृद्धको २० घण्टापछि उद्धार भएको छ ।
चुमनुब्री २ स्योका ७६ बर्षे छेन्वा दोर्जे लामाको मंगलबार बिहान ९ बजे हेलिकोप्टरबाट उद्धार गरिएको सांसद राजेन्द्र बजगाईले जानकारी दिए ।
सोमबार बिहान ११ बजेतिर भीरबाट लडेर टाउको, मुख,नाक, कान सबैतिर गम्भीर चोट लागेका उनलाई शिक्षण अस्पतालमा भर्ना गरिएको उनले बताए ।
घाइतेाई सांसद बजगाईले आफ्नै नीजि खर्चमा सेनाको हेलिकोप्टर चार्टर गरेर उद्धार गरेका हुन् । सो गाउँपालिकालाई सरकारले निषेधित क्षेत्रभित्र राखेकाले सोमबार दिनभर हेलिकोप्टर चार्टर गरी उद्धार गर्न सकिएको थिएन ।
