गोरखा नगरपालिकाबाट पाँच जुवाडे पक्राउ, ५५ हजार नगद बरामद
गोरखा नगरपालिका–४ पिपलथोकबाट पाँच जना जुवाडे पक्राउ परेका छन् ।
स्थानीय लालप्रसाद श्रेष्ठको घरमा जुवा खेलिरहेको अवस्थामा सोमवार साँझ करिव सात बजे प्रहरीले उनीहरुलाई पक्राउ गरेको हो ।
पक्राउ पर्नेमा घरधनी श्रेष्ठ, दिनेश गुरुङ, सोही स्थानका प्रकाश कुँवर, सुन्दर राना मगर र गोरखा नगरपालिका वडा नम्वर २ ताप्लेका सुरज मिया रहेको डिएसपी रमेशकुमार श्रेष्ठले बताए ।
उनीहरुको साथबाट ५५ हजार ५ सय १५ रुपैया नगद सहित तीन बुक तास बरामद गरिएको उनले जानकारी दिए । घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।
