पहिरोले पुरिएर एक युवकको मृत्यु
अविरल वर्षापछि गएको पहिरोका कारण गोरखाका एक युवकको मृत्यु भएको छ ।
मृत्यु हुनेमा शहीद लखन गाउँपालिका वडा नम्वर ६ का २२ बर्षीय मनोज बिक रहेको प्रहरीले जनाएको छ । काठमाडौंको नागार्जुन नगरपालिका–३ सिंगल ट्रि नजिकै रहेको स्थानीय ट्रपिकल रेष्टुरेन्टको भान्साकोठा पहिरोले पुरिँदा उनको मृत्यु भएको काठमाडौं उपत्यका प्रहरी कार्यालयका प्रवक्ता प्रहरी वरिष्ठ उपरीक्षक दिनेशराज मैनालीले जानकारी दिए । शनिवार बिहान सवा ११ बजे पहिरोले घर पुरिँदा बिक गम्भीर घाइते भएका थिए ।
किचन हेल्परका रुपमा काम गर्ने बिकको उपचारका क्रममा स्वयम्भुस्थित मनमोहन मेमोरियल अस्पतालमा मृत्यु भएको प्रहरी बरिष्ठ उपरीक्षक मैनालीले बताए।
