तमु विद्यार्थी संघको अध्यक्षमा पुनः मनोज गुरुङ
नेपाल तमु (गुरुङ) विद्यार्थी छोंज धीं जिल्ला कार्यसमितिको अध्यक्षमा पुन मनोज गुरुङ चयन भएका छन् । समितिको ५ औँ अधिवेशनले गुरुङको अध्यक्षतामा २६ सदस्यीय कार्यसमिति गठन गरेको हो ।
जसको वरिष्ठ उपाध्यक्षमा विजय गुरुङ, उपाध्यक्षहरुमा मञ्जली गुरुङ र कोपिला गुरुङ, सचिवमा मोहन गुरुङ, सहसचिवमा रञ्जना गुरुङ र कोषध्यक्षमा दिपक गुरुङ चयन भएका छन् । यसैगरी, सहकोषाध्यक्षमा सनम गुरुङ, संगठन सचिवमा सविन गुरुङ, प्रचार सचिवमा विवर गुरुङ र सांस्कृतिक संयोजकमा माया गुरुङ चयन भएको समितिले जनाएको छ ।
संघका अध्यक्ष मनोज गुरुङको अध्यक्षता तथा नेपाल तमु (गुरुङ) विद्यार्थी छोंज धींका केन्द्रिय महासचिव पवन गुरुङको प्रमुख आतिथ्यतामा सम्पन्न अधिवेशनमा तमु ह्यु छोँज धीं गोरखा अध्यक्ष राम बहादुर तमु, नेपाल तमु (गुरुङ) विद्यार्थी छोंज धीं गण्डकी प्रदेशका प्रमुख बिकास तमु, तमु प्ये ल्हु संघ गोरखाका अध्यक्ष सूर्य बहादुर गुरुङ लगायतको उपस्थिति रहेको थियो ।
