लागु औषध डाईजेपाम सहित एक व्यक्ति पक्राउ
गोरखा सदरमुकममा लागु औषध सहित एक व्यक्ति पक्राउ परेका छन् । जिल्ला प्रहरी कार्यालय गोरखाले गत शुक्रबार गोरखा नगरपालिका–७ मसार बसपार्कबाट डाईजेपाम सहित एक व्यक्तिलाई पक्राउ गरेको हो ।
पक्राउ पर्नेमा सोही स्थानका ३२ वर्षीय रोशन कोइराला रहेको जिल्ला प्रहरी कार्यालय गोरखाका डिएसपी रमेश कुमार श्रेष्ठले बताए । ‘कोइरालाले लागु औषध कारोबार गर्ने गरेको भन्ने गोप्य सूचनाका आधारमा शुक्रबार शंकास्पद अवस्थामा फेला पारेका थियौँ’, उनले भने, ‘उनको शरिरको खानतलासी लिंदा लागु ३६ थान औषध फेला परेकाले उनलाई पक्राउ गरिएको थियो ।’ कोइराला बिरुद्ध आइतबार लागु औषध नियन्त्रण अन्तर्गत मुद्दा दर्ता गरी जिल्ला अदालत गोरखाबाट हिरासतमा राखी अनुसन्धान गर्न म्याद थप अनुमती लिई घटनाबारे थप अनुसन्धान भइरहेको उनले जानकारी दिए ।
