गोरखामा मोटरसाइकल दुर्घटना हुदाँ एकको मृत्यु, एक घाइते
गोरखाको भीमसेन थापा गाउँपालिका–३ सिमलफेदमा मोटरसाइकल दुर्घटना हुदाँ एक युवकको मृत्यु भएको छ । मृत्यु हुनेमा धादिङको त्रिपुरासुन्दरी गाउँपालिका–१ का २० बर्षीय निशान गिरी रहेको जिल्ला प्रहरी कार्यालय गोरखाले जनाएको छ ।
मोटरसाइकलको पछाडी सवार उनको आरुघाट आधारभूत स्वास्थ्य केन्द्रमा उपचारको क्रममा मृत्यु भएको प्रहरी निरीक्षक सरोज कार्कीले बताए । दुर्घटनामा मोटरसाइकल चालक २० बर्षीय रुपेश गिरी घाइते भएका छन् ।
प्रहरीका अनुसार उनको ट्रमा सेन्टर काठमाण्डौमा उपचार भइरहेको छ । बा ३६ प १५६२ नम्वरको मोटरसाइकल अनियन्त्रित भइ सडक देखि करिव दश मिटर तल खसेर दुर्घटना भएको थियो ।
घटनाबारे थप अनुसन्धान भइरहेको प्रहरीले जनाएको छ ।
