बालमन्दिर माविको ४७ औं बार्षिकोत्सव समारोह सम्पन्न
गोरखा सदरमुकामको बालमन्दिर माविको ४७ औं बार्षिकोत्सव तथा अभिभावक समारोह सम्पन्न भएको छ । गोरखा नगरपालिका ६ छहरेस्थित बालमन्दिर माविको बार्षिकोत्सव समारोह शुक्रबार विभिन्न कार्यक्रम गरी सम्पन्न भएको हो ।
विद्यालय व्यवस्थापन समितिका भक्तराम रानामगरको अध्यक्षतामा सम्पन्न सो समारोह गोरखा नगरपालिकाकी उपमेयर मसलीमाया थोकर(सपना पुन)ले उद्घाटन गरेकी हुन् ।
सो अवसरमा प्रमुख अतिथि उपमेय पुन, शिक्षा विकास तथा समन्वय इकाइका प्रमुख सुवास आचार्य, गोरखा उद्योग वाणिज्य संघका अध्यक्ष कृष्णकुमार श्रेष्ठ, महेन्द्रज्योति माविका शिक्षक अनन्त न्यौपाने, विद्यालय व्यवस्थापन समितिका सन्तोष थापा लगायतले शुभकामना मन्तव्य ब्यक्त गरेका थिए ।
कार्यक्रममा विद्यालयका प्रधानाध्यापक शिव थापाले वार्षिक प्रगति प्रतिवेदन प्रस्तुत गरेका थिए भने सहायक प्रधानाध्यापक योगेन्द्र प्रधानले स्वागत मन्तव्य ब्यक्त गरेका शिक्षक कल्पना पोखरेलले जानकारी दिइन् ।
समारोहमा विभिन्न खेलकुद तथा सांस्कृतिक कार्यक्रम पनि प्रस्तुत गरिएको थियो । सो कार्यक्रममा खेलकुद तथा नृत्यप्रतियोगितामा पुरस्कृत हुनेहरुलाई पुरस्कार वितरण गरिएको शिक्षक पोखरेलले जानकारी दिइन् ।
