नेपाली कांग्रेस अजिरकोटको छलफल तथा अन्तरक्रिया कार्यक्रम सम्पन्न
नेपाली कांग्रेस गोरखाले पार्टी अभियानको क्रममा अजिरकोट गाउँपालिकामा अगुवा कार्यकर्ता भेटघाट तथा अन्तरक्रिया कार्यक्रम गरेको छ । नेपाली कांग्रेस अजिरकोट गाउाँपालिकाको आयोजना तथा नेपाली कांग्रेस जिल्ला कार्यसमितिको निर्देशनमा आइतवार कार्यक्रम भएको हो ।
कार्यक्रममा पार्टीको आन्तरिक सुदृढीकरणको विषयमा छलफल भएको बताइएको छ । जनप्रतिनिधी र वडा कमिटिलाई आवश्यक सल्लाह सुझावसहित पार्टीको काम कर्तव्य र रणनीतिका बारेमा निर्देशन पनि गराएको शिवहरी तिमल्सिनाले बताए । २०८० को निर्वाचनमा हारेका पालिकाहरुमा विकास निर्माणको कामहरु कसरी गर्ने भन्ने विषयमा पनि छलफल गरिएको उनले जानकारी दिए ।
नेपाली कांग्रेस्र अजिरकोट गाउँपालिकाका सभापति जंगबहादुर गुरुङको अध्यक्षता तथा मुख्यमन्त्री सुरेन्द्र पाण्डेको प्रमुख आतिथ्यतामा भएको कार्यक्रममा पार्टी जिल्ला सभापति नन्दप्रसाद न्यौपाने, क्षेत्र नम्वर २ का पार्टी सभापति गोबिन्द गुरुङ, पूर्व प्रदेश सभा सदस्य प्रकाशचन्द्र दवाडी, जिल्ला सचिव किशोरजंग थापा र कृष्ण आले लगायतले मन्तव्य राखेका थिए ।
यसअघि पालुङटार र चुमनुब्री गाउँपालिकामा अन्तरक्रिया कार्यक्रम सम्पन्न भईसकेको पार्टीले जनाएको छ । तिहारअघि सिरानचोक, शहिद लखन र गण्डकी गाउँपालिकामा कार्यक्रम गरिने र बाँकी पालिकामा तिहार पछि गर्ने बताइएको छ ।
