| सोमवार, अशोज ५, २०७७

गोरखाका पाचहजार प्रबलीकरण लाभग्राहीमध्य दुईजनाले मात्रै अनुदान लिए, छिटो नलिए अनुदान गुम्ने खतरा

गोरखामा पाँच हजार तीन सय ५० घरधुरी प्रवलिकरण लाभग्राही रहेकामा दुई जनाले मात्र अनुदान लिएका छन् ।

अनुदान सम्झौता गर्ने अन्तिम म्याद सकिँदासम्म जम्मा दुई जनाले मात्र प्रबलिकरणका लागि एकलाख अनुदान लिएका अनुदान व्यवस्थापन तथा पूर्वाधार इकाईले जनाएको छ ।

पूर्णक्षतिको सूचीमा नाम पार्ने प्रयास गर्दा प्रबलिकरणको अनुदान नलिएका इकाइले जनाएको छ । एक हजार आठ सय १७ जनाले भने प्रवलिकरणका लागि पहिलो किस्ताको ५० हजार रुपैयाँ लिएका कार्यालयले जनाएको छ ।

दोस्रो किस्ताको ५० हजार लिएपछि पूर्ण क्षतिमा जान नपाईने हुँदा उनीहरु अहिले पनि पूर्ण क्षतिको आशमा दोस्रो किस्ता लिएका छैनन् । प्रवलिकरण लाभग्राहीमा परेका मध्ये दुई जनाले दोस्रो किस्ताको रकम लिएको जिल्ला आयोजना कार्यन्वयन ईकाई (जिमाली) का प्रमुख रामशरण आचार्यले बताए ।

जिल्लाभर अहिलेसम्म सातवटा घर मात्रै प्रवलिकरण भएको छ । ती मध्ये ५ वटा भारत सरकार सहयोग प्राप्त नेपाल आवास पुन निर्माण परियोजनाको सहयोगमा बनेको हो । भुकम्पमा आंशिक घर भत्किएका पिडितलाई प्रवलिकरण गर्न सरकारले पुन निर्माण प्राधिकरण मार्फत एकलाख रुपैयाँ अनुदान दिने निर्णय ग¥यो । सामान्य मर्मत गरेर बस्न मिल्ने अर्थात ‘रेटूोफिटिङ’ गर्न मिल्ने घरलाई प्राविधिक नापजाँचपछि प्रवलिकरण लाभग्राही कायम गरिएको हो ।

ती बाहेकका लाभग्राहीले प्रवलिकरणमा सिफारिस भएर पहिलो किस्ता लिँदा पूर्ण क्षतिमा जाने बाटो बन्द हुने आशंकाले पहिलो किस्ता समेत लिएनन् । राष्टिूय पुननिर्माण प्राधिकरणले अन्तिम पटकका लागि एक महिनाको समय सीमा तोकेर अनुदान लिन सुझाब दिएको छ । पूर्ण क्षतिमा सिफारिस नभएका प्रवलिकरण लाभग्राहीले तोकिएको समयभित्र अनुदान नलिए गुम्ने खतरा रहेको प्राधिकरणका प्राविधिकहरु बताउँछन् ।

‘तीन लाख नै पाईन्छ कि भन्ने आशमा प्रवलिकरण लाभग्राहीले अनुदान लिएका छैनन’, जिमालीका प्रमुख आचार्यले भने, ‘अब त्यो सम्भावना कम छ ।’ दुई हजार एकसय तीन जना भुकम्प पिडितले आफु प्रवलिकरणबाट पूर्ण क्षति लाभग्राहीमा जान इच्छुक रहेको भन्दै निवेदन दिएका थिए । ती मध्ये राष्टिूय पुन निर्माण प्राधिकरणले ७१ जनाको मात्रै पूर्ण लाभग्राहीमा सिफारिस गरेको छ । पूर्ण क्षति लाभग्राहीबाट प्रवलिकरणमा जान चाहेका २० जना मध्ये १४ जनाको सिफारिस भएको ईकाईले जनाएको छ ।

भुकम्पको केन्द्रबिन्दु जिल्ला गोरखामा ७१ हजार एक सय ६९ लाभग्राही कायम भएका छन् । ६७ हजार पाँच सय ७१ जनाले अनुदान सम्झौता गरेका छन् भने ६४ हजार एक सय ८९ जनाले पहिलो किस्ता लिएका छन् । ६२ हजार एक सय ३४ ले दोस्रो किस्ता र ५७ हजार सात सय ८५ ले तेस्रो किस्ताको अनुदान लिएका छन् । ४४ हजार आठ सय ७१ घर भने निर्माण पुरा भएको जिल्ला आयोजना कार्यन्वयन ईकाई (भवन) की प्रमुख सुनिता श्रेष्ठले बताइन् । तेस्रो किस्ता लिएका घर पनि निर्माण सम्पन्नको चरणमा छन् । प्राविधिक खटिनुअघि गोरखामा एक सय ४१ घर बनिसकेको मध्ये ६६ घरमात्रै अनुदान पाउन योग्य सुचीमा सिफारिस भएका छन् ।

गोरखामा ७१ हजार एकसय ६९ जना लाभग्राही रहेकोमा हालसम्म ६७ हजार पाँचसय ७१ जनाले अनुदान सम्झौता गरेका जिमाली कार्यालयले जनाएको छ ।

प्रतिक्रिया दिनुहोस्