| बुधबार, अशोज १४, २०७७

रामचन्द्रलाई विमलेन्द्रको प्रश्न– भाग खोजेर दोहोरो चरित्र देखाउने ?

रामचन्द्रलाई विमलेन्द्रको प्रश्न– भाग खोजेर दोहोरो चरित्र देखाउने ?

काठमाडौं । नेपाली कांग्रेसका नेता विमलेन्द्र निधिले पार्टीमा भाग खोज्ने अनि त्यसैको विरोध गर्ने गरेको भन्दै वरिष्ठ नेता रामचन्द्र पौडेलको आलोचना गरेका छन् । जारी केन्द्रीय समितिको बैठकमा बुधबार आफ्नो धारणा राख्दै उनले यस्तो बताएका हुन् ।

सभापति शेरबहादुर देउवालाई यसअघि नै नेता रामचन्द्र पौडेलले बुझाएको पत्रमा उल्लेख भएका विषयहरुप्रति आपत्ति जनाउँदै निधिले पौडेलले पार्टीमा भित्र भागबन्डा खोज्ने बाहिर त्यसैको विरोध गर्ने गरेको आरोप लगाएका हुन् ।

‘भोगको गिनिजबुकमा नाम लेखाउन खोज्दा मान्छेले कस्तो नजरले हेरेका छन् ?’ भन्ने शब्द प्रयोग गरेर पौडेलले सभापति देउवालाई गरेको लिखित प्रश्नप्रति आपत्ति जनाउँदै निधिले बैठकमा प्रश्न गरे, ‘‘पार्टीको यो लेबलको नेताले यस्तो शब्द प्रयोग गर्नु कत्तिको उचित हो ?’’

उनले वरिष्ठ नेता पौडेलले बाहिर बाहिर पार्टी भागबण्डाको आधारमा चल्न नहुने बताएपनि सभापतिसँग भागबन्डाका लागि ‘बार्गेनिङ’ गर्ने गरेको पनि आरोप लगाए ।  बैठकमा सहभागि कांग्रेस केन्द्रीय सदस्य स्रोतले निधिको भनाई उद्धृत गर्दै भन्यो, ‘‘एकातर्फ भागबण्डा हुनुहुन्न भन्ने अर्कोतर्फ सबै कुरामा भागबण्डा खोज्ने यो कस्तो दोहोरो चरित्र हो ?’’

प्रतिक्रिया दिनुहोस्