| आइतवार, अशोज ४, २०७७

तीन बर्षसम्म दुई गाउँपालिकामा अझै ईन्जिनियर पुगेनन्

तीन बर्षसम्म दुई गाउँपालिकामा अझै ईन्जिनियर पुगेनन्

भुकम्पले घर भत्किएको तीन बर्ष हुँदा समेत ईन्जिनयर नपुग्दा खोटाङको भुकम्प पीडित अन्यौलमा परेका छन् । जिल्लाको ऐसेलुखर्क र बराहपोखरी गाउँपालिकामा अहिलेसम्म पनि ईन्जिनियर नपुग्दा पूर्ननिर्माणको लागि स्थानीय अन्यौल बनेका हुन् ।

पुनः निर्माणका लागि नक्सा र प्राविधिक सल्लाह नपाउँदा अन्यौलमा परेको भूकम्पपीडितको भनाई छ । जिल्लाका केही पीडितले भने बिना नक्सा र प्राविधिक सल्लाहमा घर पुनः निर्माण गरिरहेका छन् । गाउँपालिकामा इन्जिनियर नआएपछि पटक–पटक खबर गर्दा समेत प्राधिकरणले चासो नदिएको पालिका प्रमुखको गुनासो छ ।

जिल्लाका आठ हजार ४ सय ४३ घर भूकम्पपीडितमध्ये हालसम्म आठ हजार १ सय ५१ घर पीडित परिवारले मात्र पहिलो किस्ता बापतको रकम पाएका छन् । पुनः निर्माण प्राधिकरणबाट करिब वर्ष दिनअघि पहिलो किस्ता बापतको रकम आए पनि अहिलेसम्म २ सय ९२ घर पीडित परिवारले रकम पाएका छैनन् ।

कागजपत्र नमिलेको तथा सम्झौता गर्न बाँकी परिवारलाई पहिलो किस्ता बापतको रकम दिन बाँकी रहेको प्राधिकरणका सम्पर्क व्यक्ति एवम् निमित्त समन्वय अधिकारी रविकिरण आचार्यले बताउनुभयो । पहिलो किस्ताका लागि प्रति परिवार ५० हजारका दरले ४२ करोड २१ लाख ५० हजार रकम आएको थियो । newsofnepal.com

प्रतिक्रिया दिनुहोस्