अनेमसंघ गोरखाको अध्यक्षमा पुनः पाठक
अखिल नेपाल महिला संघ गोरखाको अध्यक्षमा पुनः पार्वती पाठक चयन भएकी छिन् । शनिबार सम्पन्न संघको पाँचौं जिल्ला सम्मेलनबाट पाठक अध्यक्षमा निर्वाचित भएकी हुन् । संघको उपाध्यक्षमा कल्पना नेपाली, बसन्ती काप्री, सचिव लुना थापा, उपसचिव प्रमिला थापा र कोषाध्यक्षमा कमला श्रेष्ठ चयन भएका छन् । सम्मेलनले ३५ सदस्ययीय नयाँ कार्यसमिति गठन गरेको अध्यक्ष पाठकले बताइन् ।
अनेमसंघकी गोरखाकी अध्यक्ष पाठकको अध्यक्षता तथा केन्द्रीय अध्यक्ष टुका हमालको प्रमुख आतिथ्यतामा भएको सम्मेलनमा नेकपा एमालेकी केन्द्रिय सदस्य सम्झना देवकोटा, अनेमसंघ प्रदेश कमिटी सदस्य गीता भट्ट, निवर्तमान उपाध्यक्ष रेनुका न्यौपाने, नेकपा एमाले जिल्ला कमिटी उपाध्यक्ष मीनबहादुर अधिकारी, नेकपा एमाले शहिद लखन गाउँपालिका अध्यक्ष काजिराम श्रेष्ठ र जनसंस्कृतिक महासंघ गोरखाका सचिव दिलमान गुरुङलगायतले मन्तव्य राखेका थिए ।
